giovedì , 13 dicembre 2018
Home / Cosa visitare / Girando per le vie della città / Vie di Gallipoli (la storia dei loro nomi)
logo_girandoperlevie

Vie di Gallipoli (la storia dei loro nomi)

Girando tra i libri di nonna Linda De Luca abbiamo trovato una pubblicazione del 1901 dove il canonico Francesco D’Elia ci dice perché le strade del borgo di Gallipoli si chiamano così. Verso la fine del 1900 alla vigilia del censimento del 1901 il sindaco di Gallipoli voleva dare alle strade del borgo (te ‘ddha fore) nomi che potevano ricordare patrioti e personaggi storici, anche per dare importanza alle strade e, mentre i cantonieri scrivevano sui muri questi nomi, li cristiani volevano sapere la loro storia.

Via-33-BARONIVia 33 BARONI: Sta spicciava lu 1200 e lu regnu te le Toi Sicile passau te manu te li Svevi alli Angioini. Lu re Carlo D’angiò ca nù era nu santu cuminciau cu governa cu cattiveria tantu ca muti se ribellara, e tra quisti puru Corradino di Svevia ca cercava cu se ripija lu regnu. Puru Caddhipuli ca sempre stava cu li Svevi partecipau a sta rivolta, ca però sciu fiacca, tantu ca puru a Corradino di Svevia ‘nde ‘mbuzzara la capu. A Caddhipuli se scundira tutti 33 Baroni, alleati te Corradino di Svevia, ca sta se ‘nde fusciene te la guerra, ma lu re Carlo D’Angiò, quandu sippe sta cosa, mandau l’esercitu ca assediau Caddhipuli e la espugnau. Li 33 baroni fora catturati e ‘mpicati e la città foe manata a ‘nterra allu 1284. La strada s’era ‘bbuta chiamare via 33 baroni ‘mpicati, ma paria bruttu, e rumase sulamente 33 baroni.

Via BONAVENTURA TRICARRICOVia BONAVENTURA TRICARRICO: Iti lettu bonu, nù imu sciarratu nui. Moi mute famije te Caddhipuli se tenene Tricarico, lu stessu nome, ma cu doi erre, lu tania na famija nobile ca moi nù ‘nc’è ‘cchiui ca ave tanutu puru nu sinducu, Antonio Tricarrico, allu 1760. Te sta famija ‘nde ricurdamu tre mesci te musica: Giuseppe Tricarrico ca morse allu 1697 e ca foe maestro di cappella alla corte di Vienna, fijusa Bonaventura Tricarrico e Francesco Tricarrico. Bonaventura Tricarrico nasciu lu 27 brile 1674, subitu trasiu allu seminariu e siccome era studiatu musica fice l’organista alla cattedrale. Tania la musica intra lu sangu tantu ca scrisse toi melodrammi ca fora rappresentati in pubblica piazza a Caddhipuli, lu primu lu diresse sirasa Giuseppe, lu secondu, ca se chiamava Adelaide, lu ficiara alla festa te lu Cannitu cu nu tirettore t’orchestra ca vinne te lu cunservatoriu te Lecce. A nui nù ‘nda rumastu nienti te ste opare, ma erene t’essere mutu belle, vistu ca Bonavenura Tricarrico sciu a Napoli cu studia musica e cu ‘ddaventa ‘ncora ‘cchiu brau. Morse allu 1739 e lu pracara alla chiesa te Mallatrone addhu puru osci putimu vitire lu stemma te la famija e na scritta teticata a Bonaventura.

Via CAVALIERI DI RODIVia CAVALIERI DI RODI: Li cavalieri te Rodi ca moi se chiamene Cavalieri te Malta e ca sù nati comu Cavalieri dell’ordine dall’Ospedale di San Giovanni di Gerusalemme suntu n’ordine religiosu cavallerescu ca nasciu a Gerusalemme allu XI seculu e ca erane difendere tutti li pellegrini ca sciane alla terra santa (tandu li pellecrini sciane ‘ssuli, nù c’era papa ’Ntoni Pisanellu ca li purtava). Li mussulmani ‘nde li cacciara te Gerusalemme e iddhi se ‘nde scira a Rodi ca ete n’isula te la Grecia allu 1309. Poi Rodi foe conquistata te li ottomani allu 1522. “Ma cu tutte ste notizzie ci centra Caddhipuli?” Quandu li cavalieri se ‘nde scappara te Rodi, cu le navi, sta sciane versu Messina ma era ‘mbiernu cupu e tatosi che erene spicciatu lu mangiare, erene ‘mmalazzati, ‘nsomma stavane misi fiacchi, lu capu, Gran Maestro Villiers de l’Isle-Adam fice cangiare rotta e vinnera a Caddhipuli ca era chiù vicina. ‘Rrivara allu portu lu 1 brile 1523 e li caddhipulini ficiara a gara e se travajara tutti cu iutene sti carusi ca vaniene puru te famije ‘mpurtanti te tutta l’Europa. Li Cavalieri te Rodi ‘rrumasara a Caddhipuli nu mese sanu e la bravura te li caddhipulini sciu pè ‘ndumanata tantu ca la scrissera puru su muti libbri loru.

Via CONSALVO DI CORDOVAVia CONSALVO DI CORDOVA: Consalvo di Cordova ca se chiamava Gonzalo Fernandez De Cordoba era nu generale spagnolu ca tutti chiamavene Gran Capitano. Lu re Ferdinando il Cattolico lu mandau te la Spagna all’Italia cu pozza cumbattere contro lu re francese Federico d’Aragona. Scisu a qua ‘sotta a nui allu 1501 conquistau tutta la terra t’Otrantu. Quandu ‘rrivau a Caddhipuli, ca tandu stava cu li francesi, ‘nde tisse cu se ‘mmende ma li caddhipulini risposera ca nù putiene tradire lu re. Caddhipuli foe ‘ssediata e sta resistia, ma quandu puru Tarantu foe sconfitta, lu castellanu te caddhipuli ca se chiamava Sancio Roccio ca ormai nù tania munizioni se ‘rrese allu Gran Capitano. Quandu poi li francesi turnara cu riconquistane Caddhipuli, li caddhipulini ca erene ‘ddevantati borbonici nù sulamente nù se ficiara conquistare, ma ‘ssira puru fore te lu paese e vincira mute battaje. Consalvo di Cordova ca tandu era devantatu Vicerè te Napoli se prasciau te li caddhipulini e tese muti privilegi alla città.

Via CONTE DI MONTEMARVia CONTE DI MONTEMAR: Allu 1711 lu regnu te Napuli passau te li spagnoli alli austriaci pè trent’anni, fincu a quandu Carlo di Borbone fiju te lu re te Spagna Filippo V di Borbone vinne cu pozza conquistare lu regnu. Allu 1734 Carlo di Borbone trasiu a Napuli, l’esercitu era cumandatu te Giuseppe Carillo de Albornoz y Montiel Duca di Montemar (muti documenti lu chiamene Duca, addhi Conte). La battaja finale contro l’austriaci foe lu 25 masciu 1734. Tutti li castieddhi comu Lecce e Caddhipuli tuccara se arrendene e a Caddhipuli foe firmata na capitolazione cu sei punti ca ‘nde permise alli suldati austriaci cu partene e cu restene a Caddhipuli senza essene scunfitti o ‘rrubbati comu ‘nvece ficiara all’addhi paisi. Tutti li punti te sta capitolazione fora cuncessi te lu Conte di Montemar cu la palora spagnola Concedito.

Gen_Apr 2012Via COSTANTINO SPECOLIZZI: Intra a Caddhipuli le strate se chiamavene già cu li numi te mute famije caddhipuline nobili, a mienzu a quiste però nù c’era la famija Specolizzi, ca puru era na famija ‘mpurtante e ‘ntica, addirittura era tanutu financu undici sindaci, comu se putia vitire te li stemmi tipinti intra la sala te la pretura ca la comune te moi nù bole o nù sape cu recupera puru pè li turisti cu bisciane l’importanza te Caddhipuli alli seculi passati. La strata però nù tene lu nome te la famija ma te nu sidacu: Costantino Specolizzi ca devantau famosu pè l’eroica resistenza te li tre giurni, 17, 18 e 19 masciu 1484, te Caddhipuli contro li Veneziani. Financu lu cumandante te li veneziani, Giacomo Marcello, morse mentre sta cumbattia e la forza e lu valore te li caddhipulini sciu pè ‘ndumanata a tuttu lu regnu. Lu re Ferrante I D’Aragona pè stù valore tese a Caddhipuli cu nu Regio Diploma te l’8 Dicembre 1484 muti privilegi alla città. Propriu pè stù fattu allu “parlamento degli ottanta”, tandu te cusì se chiamava lu cunsiju comunale, decisara ca tutti li sindaci te Caddhipuli, cuminciandu te Costantino Specolizzi, putiane pittare intra la sala te la comune lu stemma te la famija.

Via FILOMARINIVia FILOMARINI: I Filomarini nù su caddhipulini, ma napulitani. La famija te li Filomarini tania lu ducatu te Cutrufianu. Te tutti li Filomarini cuntamu sulamente te toi. Lu primu ete Marco Antonio Filomarini Regio cuvernatore te Caddhipuli te lu 1487 allu 1495. Tandu la carica te cuvernatore turava n’annu sulamente e tutti se faciene l’interessi loru e se ‘mpusciavene nu saccu te sordi e, sputa ca ‘ncoddha, lu cunsiju comunale li manava fore, lu Calò, però, cuvernau bonu e alli caddhipulini ‘nde piacia mutu comu se cumpurtava, tantu ca mantaniu comu cuvernatore pè sette anni. L’addhu Filomarini foe Oronzo Filomarini, punsignore te Caddhipuli te lu1700 allu 1741. A tuttu stu tiempu spicciau te costruire la chiesia te S. Agata, chiamau lu pittore napulitanu Malinconico, ca fice tanti belli dipinti. E puru moi ci argiti la capu a mienzu a S. Agata, lu stemma ca tene tre fasce bianche e russe e de retu blu, ca stae a centru te la navata principale e te la cupola ete propriu lu stemma te li Filomarini.

Via GIACOMO LAZARIVia GIACOMO LAZARI: Nù se sape mutu te la famija te Giacomo lazari. Sapimu ca nasciu alla fine te lu 1500 e iddhu stessu ticia ca era frate te Carlo Muzio e pè sta cosa se mise come ereti li fiji soi Antonio e Francesco Muzio. Nu sapimu addhu era stutiatu ma sapimu ca era metucu e ca facia scola alli metici te Messina e ca era Protomedico ca ete na specie te primariu te li spitali te moi. Comu tutti li caddhipulini ca stane fore, però, santia la mancanza te lu scoju e pè stu motivu se ‘nde turnau a Caddhipuli e sciu cu abbita a palazzo Muzio. Tandu, comu se pote puru vitire te nu Regio Diploma te lu re Federico D’Aragona te lu 17 masciu 1497, la cattetrale te caddhipuli sta se ‘nde catia stozzu stozzu ca, cu le cuerre e cu la fame ca ‘ncera, li sordi cu la pozzane ‘ggiustare nù se truvavene. Giacomo Lazari ca quandu se ‘nde turnau a Caddhipuli li sordi se l’era fatti, tese la parte ‘cchiù crossa te lu testamentu alla curia te Caddhipuli, ca cu sti sordi cuminciau la costruzione te na chesia ancora ‘cchiù crande e bella ca moi ete la cattetrale te Sant’Acata.

Via GIANGIACOMO RUSSOVia GIANGIACOMO RUSSO: Nasciu a Caddhipuli versu la fine te lu XVI seculu. Sia mammasa ca sirasa taniane origini nobili infatti la famija Russo detta puru Rosso o De Rossi tese a Caddhipuli due reggi governatori: Partenio e Filippo Russo. Giangiacomo Russo trasiu subitu allu seminariu e studiau teologia e legge. Devantatu papa e pijau la laurea in teologia. Era nu papa bonu e mutu spertu, ma prima cosa era studiosu ca ciarcava chianu chianu documenti e scritture ‘ntiche cu le pozza fare canuscire a tutti. Tandu infatti la storia nù se facia cu li documenti, ma cu li fatti ca santivi tire e poi li ‘ccunsavi cu se pozzene ricordare meju. Propriu stu ciarcare e nù dire nienti ci nu tania le carte a manu tese onore a Gaingiacomo Russo,ca scrisse varie opere: Galleria Sacra: LaNave di Idomeneo e Teatro Ossia Vite E Serie Dei Vescovi Di Gallipoli, scritte tutte a taliano e puru Topografia Di Gallipoli scritta in latino.

Via-ISABELLA-D’ARAGONAVia ISABELLA D’ARAGONA: Muti seculi a ‘rretu lu regnu te Napoli passava te manu a ‘mmanu cu cuerre e ‘nvasioni. Allu 1495 lu re Carlo VII te Francia ‘nde l’era pijatu alli Araconesi e l’addhu re Fernando II d’Aragona ciarcava cu se lu pija a ‘rretu. Lu cumamdante te l’esercitu araconese era Federico d’Aragona principe D’Altamura. L’eserciti sta battajavane ‘nnanzi a Bari addhu stava puru la mujere te Federico d’Aragona ca se chiamava Isabella. Cu pozzane stare tranquilli e sicuri te la cuerra Federico mandau mujerasa a Caddhipuli ca stava cu li Aragonesi. Allu 4 brile 1495 Isabella D’Aragona mandau na lettra alla comune te Caddhipuli cu dice ca sta ‘rrivava e li caddhipulini se prasciara tutti cu la pozzane ‘bbire alle case loru e la trattara comu na regina. Quando poi Isabella D’Aragona regina diventau te taveru, subbitu se ricurdau te li bravi caddhipulini e cu n’addha lettre ‘nde tisse a tutti li caddhipulini, ca li chiamau “magnifices et nobiles viri fideles nostri dilectissimi” ca era fijatu.

Via MATTEO CALO’Via MATTEO CALO’: A famijia Calò era na famijia mutu ‘mpurtante e ‘ntica a Caddhipuli e li Calò fora puru sindaci, lu primu Francesco Calò allu 1497 spicciandu cu Maurizio Calò allu 1709. La strappina te li Calò spicciau allu 1760 quandu morse papa Fausto Calò. Ma puru ca nù c’erene ‘cchiui li Calò se santia tire: “sciamu sotta allu Calò”, cu se indica nu puntu te lu portu addhu ‘nc’era, sullu muru, lu palazzu Calò ca stava ‘nnanzi Santu Patre. Nu Calò ‘mpurtante foe nu surdatu: Matteo Calò ca, comu putimu vitire alle “memorie storiche di Gallipoli” scritte te lu Micetti, cumbattiu puru alla famosa battaja navale te Lepanto addhu la Lega Santa, ca era nu ‘mbiscatiju te eserciti ca ‘nc’era puru l’esercitu te Venezia e quiddhu spagnolu, vinse contru li Turchi ca erene cumandati te Mohamed Alì Pascià. Matteo Calò cumbattiu puru tante addhe battaje e ippe muti onori. Straccu se ‘nde turnau a Caddhipuli, ma lu chiamara subitu comu capitanu cu pozza difendere la città te l’Isola Di Calabria contro li corsari. A Reggio Calabria se spusau cu na bella signura ca tania puru na bella tota e addhai stessu morse e lu pracara.

Via-ROBERTO-D’ANGIOVia ROBERTO D’ANGIO’: Ci Carlo I d’Angiò foe cusì tremendu cu Caddhipuli tantu ca la manau ‘nterra completamente allu 1284, tocca ‘nde ricurdamu puru te lu napote… lu re Roberto D’Angiò ca foe ‘nbece nu brau re pè caddhipuli. Incoronatu allu 1309 tese lu parmessu a li caddhipulini cu tornene a Caddhipuli e cu ricostruiscene la città, vinne iddhu stessu cu bite la rinascita te caddhipuli e se curcau alla “curte dei Reggi” a ‘rretu allu cumentu te Santu Patre. E nù spiccia a ‘cquai, topu ca nu rappresentante te “l’Univerità te Gallipoli”, ca era lu cuvernatore te lu paese, ca se chiamava Simonetto de Brasia, lu re ‘nde fice visita cu nu diploma te lu 25 settembre 1327, ca tava a Caddhipuli lu dirittu cu minte tributi e cu li ‘ncassa su tutti li prodotti e la merce ca ‘ssiane te la città. Cu stu diploma Caddhipuli tania puru lu dirittu te proprietà te la Tunnara.