In origine lo stemma veniva riprodotto sugli scudi e sui vessilli dei cavalieri, per permettere di distinguere e riconoscere un intero gruppo di persone, sia nei suoi componenti che nelle sue proprietà. Anche se spesso si pensa che l’uso di uno stemma coincida con uno stato nobiliare, non è così: ad essere prerogativa nobiliare infatti non è lo scudo in se, ma l’uso di alcune ornamentazioni esterne allo scudo stesso.

Li Balsamu: Alli tiempi te Ferdinandu I te Aracona ‘sta famija te Messina se sparpajau ppe’ tuttu lu Salentu e bbiu te lu Re Carlu lu titulu te “Marchese”. Lu ramu caddhipulinu se ‘mparentau ‘ccu li Pirelli, li D’Ospina e li D’Aprile. Abbitàu intra lu crande palazzu ‘ccu lu purtale catalanu-durazzescu ca tae su’ Via ‘Ntunietta de Pace te fronte allu Seminariu. ‘ Sta famija tese quattru sindichi: Bonaventura (1732-1733; 1742-1743); Carlu (1747-1748; 1768-1770); Frangiscu (1773-1774) e Bonaventura (1799-1801). Quistu fice frabbacare a spese soi lu “Tiatru del Giglio” ca ‘na fiata passatu alla Comune pijau lu nome te “Tiatru Giuseppe Garibaldi”.

Li Briganti: Allu ticiasettesimu seculu la famija Briganti, ca vanìa te le vande te Bologna, se farmau a Caddhipuli e ‘nu ramu se stabbilìu a Racale te addhu poi turnàu allu 1766. Tommasu foe avvocatu e ‘nu drittu giurista. Lu fiju Falippu foe filosufu, giurista, pueta e scrisse puru tante opere te ecomonia. Paru ‘ccu lu Beccaria se vattìu ‘ccu pozza ‘llavare la tortura. Mutu canusciutu foe puru l’avvocatu Domenicu ca foe sinducu te lu 1842 allu 1851; Ernestu foe fattu vescuvu te Uscentu. Sullu parete te la casa addhu nascira Tommasu e Falippu nc’ete murata ‘na lapita te marmuru ca  li racorda.

Li Calò: Te origini te sicuru creche, ‘sta famija se sparpajau a muti paisi te la Puglia. Li Calò te Caddhipuli se spartìra poi a doi razze tiverse: una rrumase a cquai e l’addha se nde scìu a Bitontu. Li Calò te Caddhipuli fora tanti ma lu cchiù canusciutu foe Matteu ca cumbattìu alla battaja te Lepantu allu 1571. Te ‘sta razza fora puru quattru sindichi te Caddhipuli tra lu 1516 e lu 1708. L’urtimu tiscendente foe Silviu ca se fice prevete e murìu allu 1760 mbuzzandu perciò la razza.

Li Coppola: Se ‘nzigna a cuntare te li Coppola, vanuti sacondu certi te la Sicilia, già allu quindicesimu seculu. Tanti su’ stati li cristiani ca ane fattu crande ‘sta famija: Giuvanni Carlu, vescuvu te Muru, foe crande littaratu e scrisse tante opere sacre; una te quiste “Le Nozze degli dei” foe rappresentatu alla Corte te lu Gran Duca te Toscana; Giacintu, puru quistu crande littaratu, ca scrisse allu 1594 “Il plettro armonico”; Ercule, vescuvu te Nicotera allu 1651; ma lu cchiù canusciutu e ‘mpurtante ete ‘ncora osci lu pittore Giuvanni Andrea: Sant’Acata, e nu’ sulu, ete china te quatri e tele soi.

Li D’Acugna: Te origine spagnola, sta famija vinne a Caddhipuli ‘ccu Pietru te li Marchesi te Sant’Elena e abbitàu lu palazzu te lu 1500 osci chiamatu Granafei te fronte allu Museu. Lu cchiù canusciutu foe lu Capitanu Frangiscu D’Acugna mortu ‘ccisu lu 19 masciu 1630 e racurdatu puru parcè lassau sullu palazzu ‘na scritta a spagnolu te lu 1635 teticata a Falippu IV Re te Spagna ca se legge bona ‘ncora moi. La famija era patruna te la “Foresta di Gallipoli” titta puru “Danniferenti”. Giuseppe (1623-1624) e Pietru (1758-1759) fora sindichi te Caddhipuli.

Li De Tomasi: ‘Sta famija bbiu lu titulu te “Conte Palatino” ‘ccu Diegu versu la fine te lu diciassettesimu seculu. Abbitau lu palazzu ca tene lu purtale ca bbatte versu lu portu te lu Cannitu e ca ete canusciutu comu purtone “trasi-essi”. Te beddha vituta era puru lu sciardinu ‘ccu n’artistica scala a balaustra. ‘Nu ramu te li De Tomasi fice famija a Caddhiste e Feddhine. Tese a Caddhipuli cinque sindichi. Giambattista allu siticesimu seculu foe giutice te la Gran Corte Criminale e puru storicu, littaratu e archeolucu.

Li D’Ospina: La famija D’Ospina se stabbilìu a Caddhipuli versu lu 1564 ‘ccu lu Cran Capitanu e Governatore Ernandu ca se ‘nzurau ‘ccu ‘Lisabetta Altese. Abbitàu lu palazzu te via S. Angiulu addhu nascìu ‘Ntunietta de Pace; l’urtimu tiscendente murìu allu XIX seculu. Li D’Ospina se ‘mparentara ‘ccu li Balsamu e poi se ‘mpussessara te tuttu lu patrimoniu te la famija Venneri e pijandu te tandu lu tuppiu cugnome D’Ospina-Venneri.

Li Micetti: Nobbile famija te Tricase se trasferìu a Caddhipuli allu ticiassettesimu seculu. Carlu V lu 24 fabbraru te lu 1535 tese a ‘stu casatu lu tiploma te “Cavaliere Aureo” ca foe cunsegnatu a Giovambattista. Li cchiù canusciuti te ‘sta famija fora toi sindichi e Leonardu Antoniu ca scrisse “Memorie di Gallipoli”. Lu manuscrittu te st’opara se trova ‘ncora osci alla Biblioteca provinciale te Lecce. La via Micetti pija lu nome te lu palazzu te famija ‘ttaccatu allu palazzu baroccu te li Doxi-Stracca.

Li Patitari: Nobbile e ‘ntica famija te Caddhipuli, ippe tiscendenti puru a Taruntu addhu era patruna te lu feudu te Adoa a Massafra. Padanu Patitari foe giurista e ‘mbasciatore te Alfonsu t’Aracona ppe’ la citate te Taruntu. Bartulumeu Patitari scrisse lu manuscrittu “Gallipoli sacra” addhu cuntava te li vescuvi, li previti e le chesie te ‘stu beddhu paese. St’opara stae zzata alla Biblioteca Comunale noscia. Te ‘sta famija erene Alvise e Ragonese mutu dritti ppe’ frabbacare cannuni e campane te bronzu. ‘Ncora osci a tante chesie e massarie te lu Salentu sonene ‘ste campane. Cinque tiscendenti fora sindichi a ebbuche tiverse.

Li Pirelli: ‘Ccu lu stessu cugnome risultene toi famije nobbili tiverse; la prima, spicciata all’Ottucentu ‘ccu Pasquale Pirelli, tese allu paese, te lu 1537 allu 1805, 14 sindichi; la saconda, ca era patruna te li Casali te Nevianu e Torrepaduli, tese lu sinducu Giovambattista te lu 1660 allu 1661. Abbitava intra unu te li cchiù beddhi palazzi ca face angulu te fronte sant’Acata e ca osci ete te li Arlotta-Provenzanu. Mutu beddha ete la loggia barocca ‘ccu l’arcu e la làmia tutta pittata su’ parete addhu se vite ‘ncora lu vecchiu stemma te la famija ‘ccu l’arbulu te piru e ‘ccu doi “liuni rampanti” ‘mpizzati te coste.

Li Ravenna: Vinnara a Caddhipuli ‘ccu Stefanu, ‘nu cummericante te Lavagna, ca era sire te lu cchiù canusciutu Bartulumeu ca pubbricau a Napuli le “Memori istoriche della citta di Gallipoli”, Giuvanni foe sinducu alli primi anni te lu 1900 e Deputatu te lu Parlamentu italianu. Alla famija foe tatu lu titulu te “Cavalierato di Gerusalemme”. Le insegne te st’ordine stane pittate sulla làmia te lu palazzu neoclassicu frabbacatu alla via Fontò allu 1850 allu locu tittu “Curte te le materazzene”.

Li Rocci: Famija tiscendente te Sancio ca era castellanu te Caddhipuli allu 1496. Se pensa ca lu cugnome Rocci o Roccio vene propriu te lu castellanu ca te ngiuria facìa “Rosso” propriu ppe’ lu culore te la varva. ‘Sta famija pijau lu cugnome Rocci-Cerasoli e de cquai vene l’insegna nobbiliare ‘ccu n’arbulu te ciarasa ‘ccu lu muttettu: MODESTE VIRESCIT SUMPTA LIMPHA. Se ‘mparentau ‘ccu quasi tutte le famije nobbili te Caddhipuli e tese muti sindichi ‘nzignandu te Giuvanni Carlu allu 1543. Abbitau intra lu palazzu addhu osci nc’ete lu Municipiu e sou era puru lu palazzu Arlotta ca stava te coste, sulla via Garibaldi.