mercoledì , 19 dicembre 2018
Home / Scopri Gallipoli / Tradizioni Popolari e Religiose / Preghiere e canti religiosi
logo_preghiere e canti religiosi

Preghiere e canti religiosi

La preghiera è una delle pratiche comuni a tutte le religioni. Essa consiste nel rivolgersi alla dimensione del sacro con la parola o con il pensiero; gli scopi della preghiera possono essere molteplici: invocare, chiedere un aiuto, lodare, ringraziare, santificare, o esprimere devozione o abbandono. La preghiera è solitamente considerata come il momento in cui l’uomo ‘parla’ al sacro, mentre la fase inversa è la meditazione, durante la quale è il sacro che ‘parla’ all’uomo.

Alcuni Testi Preghiere

Preghiere 1: A Maria  –  A San Gabrieli  –  A San Giorgi  –  A San Luvici – A San Martinu – A Sant’Anna.

Preghiere 2: A Sant’Antoniu – A Santa Chiara  –  A Santa Lucia  –  A Santa Rosa – A Santa Rosalia  –  A Santa Teresa del Bambino Gesù –  All’Epistola – Allu campusantu.

Preghiere 3: Attu te ringraziamentu – Credu  –  Gesù all’ortu – Intra ‘na chesia  –  La ‘Ndulurata.

Preghiere 4: Matonna te pompei – Prechiera pè ‘bbire la crazzia te Patre Piu – Prechiera pè li morti – Prechiera te bon’aucuriu.

Preghiere 5: Samana Santa

Preghiere 6: Santa Margherita – Sulla Tomba te Gesù – Tisponziu  –  Vergine del Carmelo

“alcune di queste preghiere sono della zi Nena…cusì comu se le racorda”

  • Preghiere 1 
  • Preghiere 2 
  • Preghiere 3 
  • Preghiere 4 
  • Preghiere 5 
  • Preghiere 6 

 

A Maria

Oh Maria,

cuncepita senza paccatu

priati Diu pe nui,

ca nui ricurrimu a voi.

Voi dateci l’anima pura

te lu celu mostrateci la via sicura.

 

Tuttu lu mundu a voi si inchina

voi salvate l’anima mia

e jou vi salutu cu l’Ave Maria.

A San Gabrieli

O Diu meu, ca cu mirabile disegnu te amore,

ai chiamatu S. Gabriele te l’Addolorata

cu vive lu misteru te la croce

paru cu Maria Matre te Gesù,

guida lu spiritu nosciu versu lu fiju tou,

a modu che partecipandu

alla Passione e Morte sua,

‘bbimu la cloria te la risurrezione.

Pè cristu nostru Signore.

Cusì sia.

 

A San Giorgi

San Giorgi cavalieri cavarcante

te la guerra vanisti e vincitore turnasti.

Comu liberasti la zitella

te la ucca te lu serpente

a me libberame te la mala gente,

te ommini cuntrari,

te femmene traditrici

e de ire te signuri.

 

A San Luvici

Luvici ammirabbile

cran Santu tuttu amabbile

bel fiore te ‘nnucenza

miraculu te penitenza

te lu celu farci crazia

mostra la tua potenza.

Per quanta confidenza

le lingue tutte ticene

li crandi toi prodigi.

A te cerchiamo il donaci,

pe te avvocatu fuscene

li morbi e li pericoli.

 

A San Martinu

O Gloriosu S. Martinu,

generosu e caritatevole,

ca dunasti lu mantellu a nu pouru quasi mutu,

meritasti la visita te Gesù Cristu

ca te salvau te la morte

quandu se cunvertira li genitori.

 

Te pijara li latri, e quando intra lu desertu

mangiasti erba ‘nvilenata.

 

Ottieni pè nui tutti la crazzia,

e la forza pè soccorrere li fratelli bisognosi

tande lumi e assistenza in ogni nostra

spirituale e corporale necessità.

 

A Sant’Anna

O benatitta fra le matri cloriosa

S. Anna ca bisti pè fija suggetta a te

la Matre te Diu,

paru cu la Vergine Maria te onoru,

te amu e me affidu alla tutela tua.

 

A Gesù, a Maria e a te cunsacru la vita mia.

Ottieni pè me la santità

a modu che sia degna te lu paradisu.

Cusì sia.

 

Pe recurdare Sant’Anna

Sant’Anna beddra femmana

ca fiji nù facia,

fice na fija femmana

e la chiamau Maria.

 

A Sant’Antoniu

Sant’Antoni meu caminatu,

lingua santa cunta tu!

Tritici crazzie

cunceti allu ggiurnu:

cunceteme ‘sta crazzia

ca nd’aggiu bbasognu

 

Anime sante mei ‘dorate

ci allu mundu siti state,

ppe’ le pene ci suffriti,

ppe’ la crolia ci ‘spattati,

priàti l’eternu Ddiu

ppe’ l’estremu

bbasognu meu!

 

Priàti ‘a Ss. Trinità

ppe’ le mei necessità!

 

A Sant’Antoniu

Sant’Antoniu meu beatu

pura gemma te splendore

lu bambinu ca tieni a latu

dhè, ottienimi lu favore

Patre, Figliolu e Spiritu Santu

 

A Sant’Antoniu

Sant’Antoniu meu bilegnu

te preare nù su degnu

te lu statu tou ci me viti

me cunsoli e me pruviti.

 

A Santa Chiara

A ‘rretu a Santa Chiara

aggiu ‘ntisu nu ramore,

ci era e ci nù era

Gesù Cristu cu li sciutei.

Ci ‘ndè tava na mazziata,

ci ‘ndè tava na curisciata

e lu sangu ci scurria

intra lu calice se ‘ndè scia.

Scindi scindi palomba bianca

e ci porti intra sta lampa?

E porti oju santu

Patre, Figliolu e Spiritu Santu.

Spiritu Santu è sciutu a Roma

cu fazza l’orazione

a cinca nù se la ‘mpara

tre anni te focu cu se prepara.

 

A Santa Lucia

O cloriosa Martire te la Chiesia Cattolica

Luce te santità e esempiu te forza,

quandu pensu alle toi virtù

ulia cu fazzu lustessu

ma la carne e debbule:

perciò me rivolgu a te o Vergine

e te preu pè intercessione te lu sommu

 

Bene cu me tai la costanza

pè diventare Santa,

te preu cu me tai la scintilla te lu Divinu Amore

a modu ca jou disprezzu comu ‘ssignuria

li piaceri terreni pè ‘bbire sulu quiddhi eterni.

 

A Santa Rosa

Santa Rosa a cambarinu

ricamava lu cuscinu

Lu bambinieddhu la visitava

Rosa bella la chiamava

Te si rosa, jou su fiore

Rosa bella te lu core.

 

A Santa Rosalia

Pe recurdare Santa Rosalia

Su nu monte sta salìa

lu tamoniu la tantava:

“ Rosalia marìtate.”

Jou su tanta maritata,

cu Gesù jou su spusata.

Su spusata cull’eternu

bruttu cifuru vanne allu ‘nfiernu.

 

A Santa Teresa del Bambino Gesù

O eternu Patre,

ca pè mezzu te Santa Teresa,

ricordi a tuttu lu mundu

l’amore misericordiosu ca inche lu core,

umilmente te ringraziu,

e te chiedu razzia pè intercessione

te la fija tua fedele.

 

O Santa piccola Teresa

ricordate te la vostra promessa

te fare bene sulla terra,

fanne chiovere pioggia te rose

in abbondanza su cinca te ‘nvoca

e ottiene te Diu la crazzia.

 

All’Epistola

Apri, O Signore, la mente mia,

tamme l’intelligenza te le toi scritture.

Scrivele sulla taula te lu core meu

e fammele secutare

pè dirigere l’anima mia

sulla strata te la salute.

 

Allu campusantu

Anime sante, Anime sante, jeu su’ sula e ui siti tante!

Sciati ‘mpieti a Retentore e priati a meu favore

e diciti ca a ‘sta sciurnata oju essere cunsulata.

Cusì cunsola me lu peccatore ppe’ lu tou crande e divinu amore.

 

Attu te ringraziamentu

Offru me stessu e tutte le cose mei

a sempiternu core e cloria Vostra,

parcete miti creatu,

redentu e cunservatu finu a osci

e be ringraziu te tutti l’addhi benefici

puru nù canusciuti

ca biti tegnatu cu me tati.

Cusì sia.

 

Credu

Io credu a Diu Patre onnipotente

la crande maestà e la fete eterna

quandu Cristu criau li lamenti:

acqua, aria, focu, celu e terra.

Unicu Signore, nostru Gesù Cristu,

pe li paccati mei patisti tantu,

scindisti te celu, te lu celeste regnu,

pe ‘ncatinare lucifuru ‘nfarnale

tuttu l’abissu cuminciau a tremare.

 

Oh Santa chiesa Cattolica mia bilegna,

sciamu alla cunfessione te li Santi

pe resurvire sta cuscienza ‘nterna.

 

Lu patre cunfassore cu quattru parole

face scindire Diu te celu a ‘nterra

e de li paccati tae l’assoluzione

e de lu celu la cloria se regna.

 

Oh Signore ci ‘ntornu siti statu

miti ‘ntisu e miti canusciutu

e la gnuranza mia iti canusciuta.

 

Quistu è lu cretu ca te celu scindìu

cinca nù lu sape cu lu vascia ‘mparandu

ca all’ora te lu giudiziu servirà.

 

Gesù all’ortu

Gesù stava all’ortu

bia basognu te cunfortu.

Agunizza, tona e langue,

casca, trema e suta sangue.

 

Intra ‘na chesia

Trasu intra la chesia e bbìsciu l’artare,

visciu Cristu a ‘ncroce stare.

 

Me chiangene l’occhi, me chiange lu core,

pensu alle piache te Nosciu Signore.

 

Signore meu Gesu Cristu su’ ‘na croce te visciu stare,

su’ ‘nu pouru peccatore nu’ me sacciu cunfassare.

 

Me cunfessu a te Signore ca si’ Patre spirituale,

teve sai la mea cuscenzia, tamme lumi e penitenza.

 

La ‘Ndulurata

Chiangi, chiangi Maria, povara tonna,

ca lu fiju tou è sciutu alla cundanna.

 

Nu’ lu spattare cchiui ca nu’ nci torna,

ca è sciutu se prasenta a casa t’Anna.

 

Chiangendu se partìu la Matonna

‘ccu bbiscia ci lu trova a farci vanda

e lu truvau ‘ttaccatu a ‘na culonna

‘ccu curona te spine e corde ‘ncanna.

 

Tre palore nde tisse la Matonna:

“Fiju nu’ te canusce cchiui la mamma toa!”.

“Vabbande mamma mea, vabbande ‘mpace,

ca jeu aggiu murire su’ ‘nu legnu te croce”

 

Matonna te pompei

O vergine immacolata

e recina te lu Santu Rosariu,

ca intra sti tiempi te fede morta

e te empietà crande,

hai chiantatu li santi pieti

sulla terra te Pompei,

tomba te morti pacani.

 

Te ‘ddhu postu

addhu se adoravene idoli e tiauli,

teve moi,

comu Matre te la divina grazia

tande a tutti celeste misericordia.

 

Te lu tronu tou,

rivolgi a me l’occhi toi benigni,

ca aggiu tantu basognu

te lu soccorsu Tou,

 

Mostrate puru a me

comu a tanti addhi tai dimostrata,

vera Matre te Misericordia.

 

Jou cu tuttu lu core te ‘nvocu

mia sovrana e recina

te lu Santissimu Rosariu.

 

Prechiera pè ‘bbire la crazzia te Patre Piu

O Gesù, chinu te crazzia e te carità,

vittima ‘nnucente pè li paccati nosci,

ca spintu te l’amore pè l’anima te tutta la gente,

ulisti murire su la croce, te preu umilmente

cu clorifichi puru su stà terra,

lu servu te Diu, Patre Piu te Petralcina,

ca partecipandu alli patimenti toi

te amau e tantu se protigau

pè la cloria tua e pè lu bene te le anime.

Te supplicu perciò cu me concedi,

pè la sua intercessione la crazzia… ca dasiduru.

Te cloria Patri

 

Prechiera pè li morti

Gesù, Gesù pietosu

pe lu sangu tou preziosu

a tutte le anime dona

pace luce e raposu.

 

Prechiera te bon’naucuriu

Bonasera Matonna mia

Bonasera a quista casa

Lu tristu cu essa

E lu bonu cu trasa.

 

Samana Santa – Sciuvatia Santa

Caru fiju te Diu, quantu me amasti!!!

pe la tua cara Vergine Maria,

trentatrè anni lu mundu caminasti

e maraculi facisti notte e dia.

Tutti quanti li toi tascibbuli chiamasti

e te li chiamasti pè toa cumpagnia

A tutti quanti li pieti ‘ndè sciacquasti,

Pietru sulu foe ci strulacau:

”Maestru, nù me li fare sti martìri

ca mò piju la via e me nde vau.”

 

“Pietru ci nù ‘mboi sti martìri

nù guadagni la cloria te li celi”.

 

Subitu la parola riturnau:

”Maestru, sciacqueme te capu a pieti

pe guadagnare la cloria te li celi.”

A unu unu se li cunfassau,

a rringa rringa se li cumunacau

e quandu stava a mienzu la cena tisse:

“A quai ‘nc’ete unu te ui ci ma tradire!”

 

Se utau S. Giuvanni cu la sua bocca te viola:

“Te preu maestru meu, me lai te tire

quale sarà te nui lu tratitore?”

“Quiddru ci cala a pijare lu primu uccone,

quiddru sarà pe me lu tratitore.”

 

Versu la Matre soa se nde scìu, tisse:

“Matre, tamme la santa benetizzione

ca è ‘rrivata l’ora te la morte mea”.

“O fiju, te sia santa e benatitta!

Quanta acqua te manài te capu ‘mpete

quandu me nde fuscìì intra l’Ecittu,

ci me truvau l’Arcangiulu Carbieli!”.

“Matre m’ai tatu la santa benetizzione

e si’ rrumasta ‘spritta ‘ccu dulore”.

 

Versu li soi tiscepuli se ‘ndè sciu,

li truvau tutti ‘ddurmisciuti:

“Zzatubbe fij mei e ‘mbicinatubbe

ca ave te vanire Giuda tratitore

e bene cu na squatra te surdati

a pijare me, lu cran Signore.”

 

Se scetta Giuda a baciare Cristu cu fazzi e ‘nganni

e li sciutei chini te ci manera

ci ‘ndè tirava la varva e ci li carni.

Se scetta Pietru cu la sua spata a manu

a tajare la ricchia allu surdatu.

 

Subitu la ferita ave sanatu:

“Pietru nu currire a ‘nganni

ca a cantata te gallu tu mai negatu.”

“Me ‘ndè ulia scire in Egittu

cu me lu chiangu lu meu paccatu

percè lu Maestru meu aggiu negatu.”

 

Versu la sua matre se ‘ndè sciu:

“Matre tamme la santa benedizione

ca è ‘rrivata l’ora me nde vau,

è ‘rrivata l’ora te la morte mia”.

 

Fiju te sia Santa e benatitta

quanta acqua te manai te capu a pieti

quandu me nde scii intra l’Egittu

ca me truvau l’angelu Carbieli.”

 

“Matre mai tatu la Santa Benedizione

e si rrumasta stritta cu dulore:

vanne Matre mia, vanne a ‘mpace

ca jou aggiu murire su nu legnu te croce.”

 

Gesu Cristu versu l’ortu se nde sciu;

ave basognu te cunfortu, acunizza, langue, cate, tremula e suta sangu!

“Sire meu, ‘lluntana te me ‘stu calice ‘maru”.

Sulla Croce fosti ‘mpisu ppe’ lu santu Paratisu.

Sulle scianucche te mammata fosti misu

e de celu calàu ‘nu crande spiandore:

“Quistu ete lu veru Fiju te Diu ca nd’a criati”.

Ci la tice e ci la sente quaranta giurni te ‘ndurgenzie;

ci la tice ‘ccu veru core a ‘mparatisu quandu more.

 

Samana Santa – Sera te sciuvatia Santa

San Bernardu ‘ddummandau me addhu scìu Maria,

li quattru lamenti te la vita mia.

Azzu l’occhi e bisciu lu celu

e de crandi spine stava puru, ebberu,

ca ci panzava alle parole te Salomone

quantu era “stissimu” ci nu bitìa lu sole.

 

L’addru tulore foe te sciuvatia alla notte

quandu vinne Giuvanni e me tuzzau le porte

Tisse: “Apri Maria ca si matre te tulore,

quistu è nu curtieddhu ca te trapassa lu core.”

 

“Timme meu caru Giuvanni,

pe quantu amore me porti

fijuma è vivu o è taveru mortu?

Giuvanni nu potte sèntere ca scia ‘nduluratu

cu begna la tica a me, ca fijuma è fragellatu.

Iou me partei e scei cu lle soru mei.

La prima quardia ci ‘cchiai te lu meu fiju ‘ddummandai:

Iti vistu nu gran Signore?”

 

Se si quiddra mamma mora

a quannanzi lu strascianara.

Se si quiddra mamma dolente

l’ane passatu na fila te gente,

ma vanne a casa t’Hanna

ca lu trovi certamente.

 

“Ieu me partei cu le soru mei

‘rrivai nnanzi le porte e tiesi nu critu forte.

Se spalancara le porte

e ‘ddhai ‘nc’era nu magnificu ci me nde cacciava,

ogni spinta ci me tava a ‘ddhammienzu me manava.”

 

Quandu lu fiju vitte la mamma

nu ‘nziddhu te acqua ‘ndè ozze ciarcare,

fuscendu ‘ndè foe tatu citu e fele.

A’mpena li musi ‘ndè tuccara

li tienti ‘ndè catira, le vene se svenara.

L’aria scuriu, lu mare quaiau,

li pisci favallara e li morti cuntara.

 

Deus meu, Deus meu

quantu male ane fattu

la cloria te Diu se po salvare.

 

Ci la tice e ci la sente

quaranta giurni te ‘ndurgenzie

e ci la tice cu veru core

a ‘mparatisu quandu more.

Samana Santa – Vennardia Santa

Chiangi chiangi Maria, povara donna

ca lu tou fiju è sciutu alla cundanna.

Nù lu spattare ‘cchiui ca nù ‘ncì torna

è sciutu se presenta a casa t’Hanna.

 

Chiangendu se partìu la Matonna

cu biscia ci lu trova a farci banda

e lu truvau ‘ttaccatu a na culonna.

 

Tre parole tisse la Matonna

“Fiju, nù te canusce ‘cchiui la mamma”.

“Vanne mamma mia, vanne ‘mpace

ca jeu aggiu murire su nu legnu te croce”.

 

Santa Margherita

Santa Margherita

si beddra e si pulita

Tre angili a mienzu casa

e doi sullu jettu

la Matonna lu tegnu a’mpiettu

Gesù Cristu a’ncapatale

lu namicu pozza spundare.

Spundi, spundi tantazzione

ca su fija te Maria.

Maria m’ha ‘mprumisu

ca me tae lu Paratisu.

Ci nù osci, ci nù crai

quando mojuru me lu tai.

 

Sulla Tomba te Gesù

A… ci spantura bippe l’umanità

lu cielu se scuriu

la luna lacrime te sangu versau,

e la terra se spaccau.

Tuttu è compiutu,

lu core nù battia ‘cchiui

mentre la croce

cunsumava nu scempiu atroce,

poi sotta na petra la misara cu gela

mentru a Maria lu core ‘nde farvia.

A ci spantura stu segnu pè le genti,

Ommini crudeli, cattivi e irriverenti

Scrissara cu lu sangu lu delittu

ca tutti quanti pè seculi e seculoni chiangimu

cu lacrime te sangu,

mentre preamu lu Signore cu ‘nde parduna

cu lu sou crande core.

 

Tisponziu

Sant’Antoni meu ‘matu, ppe’ la curona ci porti ‘ncapu,

te ‘ncurunau la vergene Maria,

famme ‘na crazzia!

Sant’Antoni meu fammala ‘mprima e nu’ tardare

ca sinti Sant’Antoni e me la poti fare!

 

Vergine del Carmelo

Vergine te lu Carmunu,

mia bella signora

assistetemi voi finu all’urtima ora.

Vergine mia te lu monte Carmelu

tamme lumi e santu zelu,

e lu scapulare tou

l’anima mia pozza liberare

e tutte l’anime pozza salvare.

 

Vedi anche

logo_musicapopolare

Musica popolare

Gallipoli, come del resto tutto il Salento, non é solo sole, mare e spiagge: una …

logo_processioni

Processioni

La processione è un rito a carattere religioso, diffuso in particolare nella religione cristiana, che prevede …