mercoledì , 19 dicembre 2018
logo_musicapopolare

Musica popolare

tamburelliGallipoli, come del resto tutto il Salento, non é solo sole, mare e spiagge: una delle tradizioni che rende celebre la nostra terra è il ballo della pizzica o tarantella. Questa forma di ballo, considerata un tempo come l’unica cura contro il morso di un ragno, “la taranta”, oggi é parte attiva della nostra terra. Infatti tante delle nostre feste paesane, come le sagre, hanno come punto di forza i vari gruppi che suonano, cantano e ballano le melodie della pizzica. Non possiamo fare a meno di citare le varie manifestazioni che precedono “la Notte della Taranta” a Melpignano, ormai conosciuta ovunque per la presenza ogni anno di personaggi e musicisti illustri. La musica popolare gallipolitana racconta la cultura della nostra vita quotidiana, gli uomini e le donne con i loro amori, le loro speranze e con tutte le loro incertezze. Le canzoni raccontano con la loro dolce melodia l’amore, le fatiche del lavoro, mentre la danza racconta il corteggiamento verso la propria donna amata e a volte la sfida per conquistarla.

Testi Musica Popolare
Testi 1: Baccu, tabaccu e venere  –  Barcarola  –  Beddha ci stai luntanu
Testi 2: Canzone a mienzu mare  –  ‘Cci ‘gghè beddhu  –  Ciju (frenesia)
Testi 3: Fimmene fimmene  –  L’acqua ci te te sciacqui  –  La pizzaca (suspiri ci te core)
Testi 4: La Turtura  –  Lu capone  –  Le carceri te Lecce (la Cesarina)
Testi 5: Lu police  –  Lu rusciu te lu mare  –  Lu scènnuru  –  Nia nia nia
Testi 6: Pizzica scasciata (la gallipolina)  –  Pizzicarella mia  –  Quandu l’auceddhu pizzaca la fica
Testi 7: Quant’ave can u passu  –  Santu Paulu  –  Sott’acqua e sotta jentu
Testi 8: Tamme nu ricciu  –  Te sera  –  Ulia cu essa sabbutu stasera

 

  • Testi 1 
  • Testi 2 
  • Testi 3
  • Testi 4
  • Testi 5
  • Testi 6
  • Testi 7
  • Testi 8

 

Baccu, tabaccu e venere

Ostriche rizzi cocciuti e pateddhe

cuzziddhi carapoti e cannulicchi

na buttija te vinu e doi friseddhe

e mangia ca le tiscete te ‘licchi

          (Rit.)

          Quistu cumpare, criteme,

          quis’è felicità

          mangiare bonu e bivire

          caruse an quantità.

Nu pirettu te vinu e do tarici

to ciciri rustuti e na pagnotta

nu mazzu te carte e tre amici

cu nde facimu nu patrone e sotta.

          (Rit.)

 

Barcarola

Ci vene te luntanu a stu paese,

te l’unda te lu mare ‘nnazzacatu

Spalanca l’occhi e resta stralunatu

pe lu trisoru te baddhizzi ‘nc’è

Quistu cielu… Quistu cielu e quistu mare

Su le cose, le cchiu rare

Caruse mai viste cchiu beddhe te quiste

Ucca risu e tuttu amore,

occhi niuri e rubbacore

Lu sole te ogni dì lu mare ‘ndora,

la luna poi la sera lu ‘nnargenta

Canta lu maranaru e se lamenta

ca la zita lu spetta e sula sta

Quistu cielu… Quistu cielu e quistu mare

Su le cose, le cchiu rare

Caruse mai viste cchiu beddhe te quiste

Ucca risu e tuttu amore,

occhi niuri e rubbacore

 

Beddha ci stai luntanu

Beddha ci stai luntanu e ‘bboi me viti

‘nfaccete a ‘la fanestra te lu punente

ci sienti friddu suntu li mei suspiri

ci sinti cautu ete stu core ardente

ci unde viti a mare nu le timire

suntu te lacrime mei fiumi correnti

E ci pe l’aria sienti uci e lamenti

Su jeu ca te chiamu e nu me sienti

Beddha ci oji cu ‘bbieni jeu te nde portu

A ‘lu paese meu tantu luntanu

A ‘lu paese meu se fila l’oru

Addhai se mangia sempre pane te cranu

 

Canzone a mienzu mare

Quista canzone è ‘ssuta ‘mmienzu ‘mare

Mentru facia la cuardia a lu papore

Lu rusciu te lu mare me fice sparlare

ca foe capricciu te lu primu ammore

          Nu t’aggiu uluta mai e mai te oju

          Ca l’intenzione pe te nu ‘nc’è stata mai

          Ddhru picca tiempu ca jeu te ulia

          Foe lu capricciu te sta capu mia

Te l’aggiu titta toi, tre fiate mamma

Cu nu me mandi sula a’la taverna

          Ca ‘nc’è lu fiju te lu tavarnaru

          Quandu me tae lu restu me stringe la manu

Te l’aggiu titta quattru e cinque fiate

Cu nu me mandi sula a’la funtana

Ca nc’è lu fiju te lu ‘Ngiò Pastizzu

Quandu me vite me face l’occhiu rizzu

          Te l’aggiu titta quattru e cinque fiate

          Cu nu me mandi sula a’la funtana

          Ca ‘nc’è lu forte jentu te labbici

          Maledizione a te quandu te fici

 

‘Cci ‘gghè beddhu

Ci ‘gghe beddhu stare a campagna

Sotta n’arburu te sita

E cu na carusa ‘zzita ci piacere ci ‘ci stà

          Ci ‘gghe beddhu a praja a ‘la rena

          Alla turre te S. Giuvanni

          Tutti toi tanimu vint’anni ci piacere ci ‘nci stà

Ci ‘gghe beddhu fare li bagni

Alli scoji te lu Cannitu

Quiddhu musu è sapuritu ci piacere ci ‘nci stà

          Ci ‘gghè beddhu scire pe mare

          Velisciandu a misa te sole

          Quandu la carusa ole ci piacere ci ‘nci stà

Ci ‘gghe beddhu fare li bagni

Sott’a litu te S. Giuvanni

Tutti toi tanimu vint’anni ci piacere ci ‘nci sta

          Ci ‘gghe beddhu fare li bagni

          Allu scoju te li Picciuni

          Tutti toi curciuli curciuli ci piacere ci ‘nci stà

Ci ‘gghe beddhu fare l’amore

Sotta n’arburu te fronda

E cu na carusa bionda ci piacere ci ‘nci stà

 

Ciju (frenesia)

Teve sta dormi chinu e scusciatatu

E jeu sta piscu a ‘rretu lu Cannitu

Pe te sta scurre tuce la nuttata

Pe me scurrene l’ore cu lu citu

          Umbra te lu Castieddru ‘nnirvacata

          Rasciu te luna chiara e silenziusu

Purtateme me scundu a na ripata

Cu zumpu e cu ‘nde mozzucu ddhu musu

          Mamma sarena ‘llumina st’aria te cantilena

          Cu la chitarra sonala e tira la catina

          Te pennicedddre morbide ‘cconza lu canapè

          E tutti toi cariscende e ‘ncatinala cu me!

Te sta te sonni fate e principini

E Jeu sta sugu sale te lu mare

Li musi oju te sugu ‘nzuccarini

Lu cangareiddhu tou oju sugare

          O luce mea te risula ‘llanzata

          Ùmbra te strittuleddha senza ‘ssuta

Purtateme me scundu a na ripata

Purtateme la vasu a ‘ncanna nuda

          Mamma sarena ‘llumina ste crotte toi lucenti

          Cu li curaddhi parele cu lucerneddhe ardenti

          Sparpaja penne e tumini, cuscini e canapè

          E tutti toi cariscende e ‘ncatinala cu me…

          E tutti toi cariscende e ‘ncatinala cu me!

 

Fimmene fimmene

Fimmene fimmene ca sciati allu tabaccu

Nde sciati ddhoi e nde turnati quattru

Ci be la tice cu faciti lu tabaccu

La ditta nu be tae li taraletti

Ca poi li sordi be li benatice

Cu be faciti nuci te natale

Fimmene fimmene ca sciati alle ulie

Cujiteme le fitte e le scijare

Te ticu sempre cu nu chianti lu tabaccu

Lu sole è forte e be lu sicca tuttu

Fimmene fimmene ca sciati a vindimmiare

E sutta allu cippune be la faciti fare

E Santu Paulu meu te Galatina

Fammene cuntente sta signurina

E Santu Paulu meu te le tarante

Pizzichi le caruse a mmienzu l’anche

E Santu Paulu meu te li scurzuni

Pizzichi li carusi alli cujuni

 

L’acqua ci te te sciacqui

L’acqua ci te te sciacqui alla matina

None ninnella mia nu la manare

Nu la manare, jeu te preu ninnella mia

nu la manare

          Ca addhu la meni te nasce na spina

          Nasce na rosa russa pe ‘ndurare

          Nu la manare,jeu te preu ninnella mia

          nu la manare

E passa la spiziale e se la coje

Nde face medicina pe sanare

Mo pe sanare, jeu te preu ninnella mia

nu la manare

          E pe sanare le ferite mei

          Ca su d’amore e nu sanene mai

          Sanene mai, jeu te preu ninnella mia

          nu la manare

 

La pizzaca (suspiri ci te core)

Suspiri ci te core ahi me vaniti

Sciati a ‘la beddha mia e suspirati

E cusì se fa l’amore e te passa lu tulore

Na e na e na ni nena…

          Se parte e se partiu lu bene meu

          Quante fije te mamma scunsulau

          Scunsulau lu core meu quandu tisse me ‘nde vau

          Quandu a Napuli partiu e na lettre me scriviu

Mamma ‘cci bruscia lu focu t’amore

Ca nu lu stuta l’acqua te lu mare

E cusì se fa l’amore cu lu friddhu e lu brusciore

          Uli cu te lu ticu e nù ‘mbulia

          Ulia cu te lu ‘ntossucu lu core

          Quandu teve te ‘nde cali la candela bruscia l’ali

          La palomba vola, vola, l’auceddhu e la caggiola

Mamma ‘ccè beddha l’amore vicina

ci nu la viti la sienti cantare

E cusì se fa l’amore

Cu le chiacchere e le palore

          Ulia cu essa sabbutu stasera

          Cume lu cotu lu meu bene crai

          E cusì se fa l’amore fazzuletu te culore

          Nde lu tau a ‘lu bene meu cu se stuscia lu sutore

Ci nu la sinti la mane e la sera

La sinti a menzanotte suspirare

E cusì se fa l’amore

Cu suspiri te lu core

 

La turtura

Ohi, la cumpagna!

La turtura ci perse la cumpagna

nu’ se mmasuna mai allu stessu locu.

L’acqua la vagna,

nu’ se nde cura ca l’acqua la vagna,

suspira e scetta lacreme te focu.

 

Lu capone

Oh mamma scinde e ‘bbota le caddhine

Viti ca manca lu meju capone

Quiddhu ca porta le penne turchine

Lu cumandante te lu battajone

 

Le carceri te Lecce (la Cesarina)

Scindu te le muntagne Caddhipuline

Nu sacciu ci la trou la Cesarina

          Oh Cesarina mia, Cesarina cara

          ‘mmienzu lu piettu tou ‘ncè na catina

E te la porti a ‘mpiettu e jeu la portu a ‘mmanu

e tutti toi ‘ncatinati stamu

          Oh giudice ci porti la pinna a ‘mmanu

          nu me la fare longa la mea cundanna

Ca nu aggiu ‘ccisu e mancu aggiu ‘rrubbatu

Pa nu ‘nfame carogna stau carciaratu

          Ca ci ole Diu cu cangia stu cuvernu

          La terra la caminu parmu a parmu

Oh Cesarina mia, Cesarina cara

Li carciri te Lecce nu li sapia

          Li carceri te Lecce jeu nu li sapia

          Me l’ha fatti ‘mparare Cesarina mia

Li carciri te Lecce su cruci cruci

Te lu luntanu passene l’amici

          A S. Frangiscu le pecure allu friscu

          le crape allu mantagnu pe la minchialità

 

Lu police

Mo’ scinde papa ‘Ntoni e dice messa,

lu police se mangiau la menza coscia.

Police bellu llera, police bellu llera

Police bellu llera, police bellu llerullalà….

Ci tice ca lu police è curnutu,

iddhu è lu primu crande spergungatu!

Police bellu llera…

Ci tice ca lu police nu’ è santu:

vite lu paratisu ogni mumentu.

Police bellu llera…

A casa mesciu Ntitta ulìa ‘ccu bbau,

te le tre fije soi la crande oju.

Police bellu llera…

La crande ete bona e la manzana puru,

ma la piccicca nde la cala a tutte toi.

Police bellu llera…

Allu scuru lu zzaccau e de l’occhiu nu’ bbitìu,

la capu nde zzumpàu e lu police ccitìu!

Police bellu llera…

 

Lu rusciu te lu mare

Lu rusciu te lu mare è tantu forte

La fija te lu re se tae a ‘la morte

          Iddha se tae a ‘la morte e jeu a ‘la vita

          La fija te lu re sta se marita

Iddha sta se marita e jeu me ‘nzuru

La fija te lu re purtau lu fiuru

          Iddha purtau lu fiuru e ieu la parma

          La fija te lu re è sciuta a Spagna

Iddha è sciuta a Spagna e jeu ‘n’Turchia

La fija te lu re la zita mia

E vola, vola palomba mia

lu sergente m’aggiu pijà

 

Lu scennuru

Ci fijata me tai te chiamu mamma

e ci nu’ me la tai te chiamu “nunna”.

          Tegnu ‘na mamma e n’addha nde ulìa:

          una ‘ccu fazza sagna e l’addha tria.

Tegnu ‘na mamma e n’addha nd’oju bbire

ca ‘ccu ‘na mamma nu’ pozzu campare.

          E mentru sta’ filava nde catìu lu fusu

          facce te milu, sàlundulu susu.

          La-liu-li-liu-li -liu-la

          la zzita mia ci tesse

          mena lu filu e poi se nd’esse.

 

Nia nia nia

E jeu na mamma tegnu e n’addha ‘nde ulia

Ca cu na mamma nu se pote stare

E una poi cu eggia propriu a mamma mia

E n’addha fija poi cu m’eggia te tare

          Uhei none, none, none mamma, none

          ‘ddurmiscilu stu fiju pè nu paru t’ore

          uhei pè nu paru t’ore, pè nu paru e misi

          finchè lu tata nu ‘nzigna li marisci

E nia, nia, nia

A mamma fimmaneddha ulia

E lu tata masculeddhu cu lu porta alla fatia

          E none, none, none

          Nu mandare ca nu te ole

          Ca aggiu mandatu jeu e ‘ndaggiu perse le palore

E nia, nia, nia

La mamma ‘nde catta la masseria

E lu tatali pecurieddhi li cuntanti li tae alla zia

          E nella, nella, nella

          Stae carciaratu lu puricinella

          E percè stae carciaratu

          Pè nù ciciuru ca ha ‘rrubbatu

E nella, nella, nella

‘Ddumala e stutala sta lucerna

E mo ca l’hai ‘ddumata

‘ddumala e stutala n’addha fiata

          E nazzu, nazzu, nazzu

          Tantu beddhu ci ‘nde fazzu

          Me lu portu a S. Chiara cu ‘nde giusta la cicala

E turi, turi, turi

Su te Lecce li sonaturi

E la zita è te Scurranu

Beddha mia tamme la manu

          E turi, turi, turi

          Fannu schiamazzu li pisciaturi

          E percè fannu schiamazzu

          Pè ‘lli chiappari te li turi

E nannu, nannu, nannu

Nu ‘nci scire allu messi quandu

La Ristuccia ‘nde caccia l’occhi

E la muttura ‘nde face tannu

 

Pizzica scasciata (la gallipolina)

Ci fijata me tai te chiamu mamma

Ci fijata me tai te chiamu mamma

E ci nu me la tai nà, e ci nu me la tai

E ci nu me la tai te chiamu nunna

          Tegnu na mamma e n’addha ‘nde ulia

          Tegnu na mamma e n’addha ‘nde ulia

          Una cu fazza sagna , una cu fazza sagna

          Una cu fazza sagna e l’addha tria

Tegnu na mamma e n’addha ‘ndoju ‘bbire

Tegnu na mamma e n’addha ‘ndoju ‘bbire

Ca cu na mamma none, ca cu na mamma no

Ca cu na mamma nu pozzu campare

          E la luna a’mmienzu mare

          mamma mia m’hai ‘maritare

          Fija mia a ci taggiu ‘dare mamma mia pensaci tu

E te tau allu piscatore ‘mminzu mare ore e ore

Quandu passa la caggia

la mena a mare la fija mia

          E te tau allu forastieri

          Mangia e bive senza pansieri

          ———- e ci putia

          Nde futte lu mare alla fija mia

Ohi fija, fija mia, ohi fija bella

Ohi fija, fija mia, ohi fija bella

Si nu te l’acchi tu, si nu te l’acchi tu

Si nu te l’acchi tu resti resti zitella

          Zitella a fija mia no nun ci ‘rresta

          Zitella a fija mia no nun ci ‘rresta

          U primu ca mo passa, u primu ca mo passa

          U primu ca mo passa nde face a festa

E sparati lu cannone

Tutti quanti a prucissione

Cu a veletta, a ‘nfila ‘rretu

A la Madonna ‘Ndulurata

          S’ha girata, na cuardata

          Se nde sciuta scunfidata

          A stu paese te balocchi

          Capu vasce, locchi locchi

          Tricchi tracchi e putipù

          Statte ‘ncortu pure tu

 

Pizzicarella mia

Pizzicarella mia pizzicarella

Pizzicarella mia pizzicarella

Lu caminatu tou nai-ni-nai-nà

Lu caminatu tou pare ca balla

          A dhu te pizzicau ca nu te scerne

          A dhu te pizzicau ca nu te scerne

          Sutta lu giru giru nai-ni-nai-nà

          Sutta lu giru giru te la suttana

Quantu amau amau lu core meu

Quantu amau amau lu core meu

Mò nu te ama cchiui nai-ni-nai-nà

Mò nu te ama cchiui se nde scerrau

          De l’ura ca te vitti te mmirai

          De l’ura ca te vitti te mmirai

          Nu segnu a fici mmienzu nai-ni-nai-nà

          Nu seggnu fici a mmienzu a l’occhi toi

Amore amore ce m’hai fattu fare

Amore amore ce m’hai fattu fare

A quinnici anni m’hai fattu mpaccire

De matre e patre m’hai fattu scerrare

 

Quandu l’auceddhu pizzaca la fica

Quandu l’auceddhu pizzaca la fica

Tuttu lu musu resta ‘nzuccaratu

Cusì rimane la carusa ‘zzita

Quandu se vasa cu lu’nnammuratu

          Beddha la mamma, beddha foe la fija

          Beddha è la fine te lu malanaru

          Oh, ci su beddhe le caruse te moi

          Te cuardene, te ritene, te dicene ‘cci ‘bbo

 

Quant’ave can u passu

Quant’ave ca nu passu te sta strata

de cce se maritau, de cce se mmaritau

De cce se mmaritau la beddha mia

          Quandu alla chiesia madre la purtara

          Comu na cagnulina, comu na cagnulina

          Comu na cagnulina te retu scia

E quandu l’acqua santa nde manara

Ancora le sparanze, ancora le sparanze

Ancora le sparanze le tania

          Quandu l’anellu a manu nde calara

          Ancora ucca a risu, ancora ucca a risu

          Ancora ucca a risu me facia

Quandu la ucca sua nde tisse sine

Chiangiti occhi,chiangiti occhi

Chiangiti occhi mei nun è cchiù mia

          Tronu te marzu nde pozza catire

          A ci foe ca me scucchiau, a ci foe ca me scucchiau

          A ci foe ca me scucchiau de lu mio amore

Terra cu nu lu pozza mantanire,

sule cu nu lu pozza, sule cu nu lu pozza

sule cu nu lu pozza mai scarfare

          Lu liettu addhai se corca sia te spine

          Lu capatale, lu capatale

          lu capatale sia te petra’nfernale

A mmienzu a mmienzu cu se troa nu stile

cu nde ttrapassa l’anima, cu nde trapassa l’anima

cu nde trapassa l’anima e lu core

 

Santu Paulu

Santu Paulu meu te le tarante

Ca pizzichi e caruse a ‘mmienzu l’anche

          E ahi, e ahi, e ahi lu core meu

          Meu, meu, meu, ca su lu ‘Ntoni tou

          Nella, nella, nella ninà

          Baddha l’amore e ci la sape fà

Santu Paulu meu te li scurpiuni

Ca pizzichi i carusi alli cujuni

          Mannaggia comu mai ca se ne ‘ndesse

          Lu vizziu meu lu sai apri le cosce

Massaru la sbajasti la carrara

Quista nun’è la via te lu cumentu

          Beddhu ci balla moi, beddhu ci balla

          Ca balla nu cardillu e na paloma

 

Sott’acqua e sotta jentu

Sott’acqua e sotta jentu navigamu

E sotta fundu nata lu truffinu

          Nui simu toi marange su nu ramu

          E tutti toi l’amore nui facimu

Vene lu jentu e cotula lu ramu

Tiette Ninnella mia sinò catimu

          Ca ci catimu nui a n’terra sciamu

          E simu te cristallu e ‘nde rumpimu

Ulia cu te lu tau nu vasu ‘ncanna

E dopu vasata cu te vasu ‘ntorna

          Ulia cu te lu tau lu core meu

          Nu me ‘nde curu ca jeu senza vau

 

Tamme nu ricciu

E Tamme nu ricciu e de li toi capelli

son ricci e son belli e fanno innamorare

son ricci e son belli e fanno innamorare

          E Tamme la manu e stringimela forte

          te rasu alla morte e nu me la lassare

          te rasu alla morte e nu me la lassare

 

Te sera

Te sera nde passai e iddha nun c’era

La curte china me parse vacante

          Me misi a dummandà tutta la gente

          Ci l’hane vista ddha occhicalante

Una ma tittu ca nu l’a vista

L’addha ma tittu ca alli balli e sciuta

          Jeu scii alli balli e la truvai ballandu

          Cu la cazzetta russa alla pulita

Me misi toi tre fiate cu nci ballu

Cu nde vasu da ucca sapurita

          Lu meu cumpagnu tisse nu la fare

          Ci vasa donna vae a ‘ngalera a vita

E jeu a ‘ngalera a vita ulia te scire

li carni mei cusuti cu la sita

          E jeu a ‘ngalera a vita ci su statu

          li carni mei cusuti cu lu spacu

cusili donna ci li sai cusire

cusili a retupuntu te camisa

 

Ulia cu essa sabbutu stasera

Ulia cu essa sabbutu stasera

Cu me licenziu te sta masseria

Ulia cu me licenziu, tiranna traditora…

Tiranna traditora me ‘ngannasti

          Tutti l’auceddhi l’ane pe natura

          Cu fazzene lu nitu a primavera

          Fiuriu, pe ‘cci fiuriu, tiranna traditora…

          Fiuriu, pe ‘cci fiuriu la primavera

 

Vedi anche

logo_processioni

Processioni

La processione è un rito a carattere religioso, diffuso in particolare nella religione cristiana, che prevede …

logo_confraternite

Confraternite di Gallipoli

Le confraternite sono associazioni cristiane fondate con lo scopo di suscitare l’aggregazione tra i fedeli, …