“E sse cangiau lu mundu” (Giorgio Tricarico)

Quandu te disciatasti la chianta germugliau,

la nive te li munti te pressa se squaiau.

Rrivau la primavera e l’arburi fiurira,

li cristiani ppe’ tanta falicità chiangira.

E scapula la campana, ‘vvisa lu creatu,

vae ticendu a tutti ca sinti resurgitatu.

E lu prevete ‘ntr’alle case tice listu listu:

“Essi tristu e fanne trasire Cristu!”.

E cinca t’have tatu corpi ‘ntr’allu stòmmucu,

spenturatu sta’ camina sulu ‘ntr’allu fòmmucu..

Ma cinca t’have amatu, cci festa crossa face!

Crita ppe’ lle strate: “All’ ómmini la pace!”.

E lli vagnuni sciocane, ritene li malati,

sonene, cantene e ballene puru li spenturati.

E Teve, ca li paccati nosci t’hai caracatu,

si statu crucifissu e puru marturiatu.

Teve c’hai suppurtatu tuttu comu nienti:

Nui quistu imu critare alli “Quattru Jenti”.